கனடா ஓபன் டென்னிஸ்: இறுதிப்போட்டிக்கு முன்னேறினார் சிமோனா ஹாலேப்..!

டொரண்டோ,

கிராண்ட்ஸ்லாம் அந்தஸ்து பெற்ற டென்னிஸ் விளையாட்டின் மிக முக்கிய தொடரான அமெரிக்க ஓபன் இந்த மாத இறுதியில் தொடங்கவிருக்கிறது. இதற்கு முன்னதாக கனடா ஓபன் டென்னிஸ் போட்டிகள் நடைபெற்று வருகின்றன.

இந்த தொடரில் பெண்கள் ஒற்றையர் பிரிவில் நேற்று நடைபெற்ற காலிறுதிப் போட்டியில் அமெரிக்க வீராங்கனை ஜெசிகா பெகுலா கஜகஸ்தான் வீராங்கனை யூலியா புடின்சேவாவுடன் மோதினார். இந்த போட்டியில் பெகுலா 6-3, 6-3 என்ற செட் கணக்கில் யூலியாவை வீழ்த்தி அரையிறுதிக்கு தகுதி பெற்றார்.

இந்த நிலையில் அரையிறுதியில் பெகுலா, ருமேனியாவைச் சேர்ந்த சிமோனா ஹாலெப்பை எதிர் கொண்டார். இந்த போட்டியில் ஹாலெப் 2-6, 6-3, 6-4 என்ற செட் கணக்கில் பெகுலாவை வீழ்த்தி இறுதிப் போட்டிக்கு முன்னேறினார்.