பரபரப்பின் உச்சம்...15 ரன் எடுத்தால் பாகிஸ்தான் வெற்றி...1 விக்கெட் எடுத்தால் நியூசிலாந்து வெற்றி - இறுதியில் டிரா ஆன டெஸ்ட்

கராச்சி,

பாகிஸ்தான்-நியூசிலாந்து அணிகள் இடையிலான 2-வது மற்றும் கடைசி டெஸ்ட் கிரிக்கெட் போட்டி கராச்சியில் நடந்து வருகிறது. 'டாஸ்' ஜெயித்து முதலில் பேட் செய்த நியூசிலாந்து அணிமுதல் இன்னிங்சில் 131 ஓவர்களில் 449 ரன்னில் ஆல்-அவுட் ஆனது. பாகிஸ்தான் தரப்பில் அப்ரார் அகமது 4 விக்கெட்டும், நசீம் ஷா, அகா சல்மான் தலா 3 விக்கெட்டும் வீழ்த்தினர்.

பின்னர் முதல் இன்னிங்சை தொடங்கிய பாகிஸ்தான் அணி 3வது நாள் ஆட்ட நேர முடிவில் 9 விக்கெட் இழப்பிற்கு 407 ரன்கள் எடுத்தது. ஷகீல் 124 ரன்களும் , அப்ரார் அகமது ரன் எதுவும் எடுக்காமலும் களத்தில் இருந்தனர்.நேற்று 4வது நாள் ஆட்டம் நடந்தது.தொடக்கத்தில் அப்ரார் அகமது ரன் எதுவும் எடுக்காமல் ஆட்டமிழந்தார்.

இதனால் பாகிஸ்தான் அணி 408 ரன்களுக்கு ஆட்டமிழந்தது. இதனை தொடர்ந்து 41 ரன்கள் முன்னிலையுடன் நியூசிலாந்து அணி 2வது இன்னிங்சில் விளையாடியது.தொடக்கத்தில் ரன் எதுவும் எடுக்காமல் டேவான் கான்வே ரன் எதுவும் எடுக்காமல் ஆட்டமிழந்தார். பின்னர் சிறப்பாக விளையாடிய டாம் லாதம் அரைசதம் அடித்து 62 ரன்களில் வெளியேறினார் . அடுத்து கேன் வில்லியம்சன் ரன்களும் டாம் பிளெண்டல் , பிரேஸ்வெல் ஆகியோர் அரைசதம் அடித்தனர்.

இறுதியில் 83 ஓவர்களுக்கு 273 ரன்கள் எடுத்தபோது நியூசிலாந்து அணி டிக்ளேர் செய்தது . இதனால் பாகிஸ்தான் அணிக்கு 319 ரன்கள் இலக்கு நிர்ணயிக்கப்பட்டது. இதனை தொடர்ந்து 2வது இன்னிங்க்ஸை தொடங்கிய பாகிஸ்தான் அணியின் அப்துல்லா ஷபீக் , மிர் ஹம்சா ரன் எதுவும் எடுக்காமலும் ஆட்டமிழந்தனர். நேற்றைய ஆட்ட நேர முடிவில் பாகிஸ்தான் ரன் எதுவும் எடுக்காமல் 2 விக்கெட்டுகளை இழந்திருந்தது.

தொடர்ந்து கடைசி நாள் ஆட்டம் இன்று தொடங்கியது. அணி வெற்றி பெற 319 ரன்கள் தேவைப்பட்டது. ஷான் மசூத் 35 ரன்னிலும், கேப்டன் பாபர் ஆசம் 27 ரன்னிலும் அவுட் ஆகினர். இதையடுத்து விக்கெட் கீப்பர் சர்ப்ராஸ் அகமது, சாத் ஷகீலுடன் ஜோடி சேர்ந்தார். நிதானமான ஆட்டத்தை வெளிப்படுத்திய சர்ப்ராஸ் அகமது சதம் அடித்து அசத்தினார்.

சதம் அடித்து அசத்திய சர்ப்ராஸ் அகமது 176 பந்தில் 118 ரன்னில் அவுட் ஆனார். அவருடன் இணைந்து ஆடிய ஷகீல் 32 ரன்னிலும், ஆஹா சல்மான் 30 ரன்னிலும், ஹசன் அலி 5 ரன்னிலும் அவுட் ஆகினர். இறுதியில் அந்த அணியின் வெற்றிக்கு 4 ஓவரில் 17 ரன்கள் தேவைப்பட்டது கைவசம் 1 விக்கெட் மட்டுமே இருந்தது. இதனால் ஆட்டத்தில் பரபரப்பு ஏற்பட்டது.

ஆனால் 4 ஓவர்கள் எஞ்சியிருந்த நிலையில் 1 ஓவர் மட்டுமே வீசப்பட்டது. அந்த ஒரு ஓவரில் 2 ரன் மட்டுமே எடுத்தது பாகிஸ்தான் அணி. இதையடுத்து ஆட்டம் டிராவில் முடித்துக் கொள்ளப்பட்டது. பாகிஸ்தான் தரப்பில் சர்ப்ராஸ் 118 ரன்கள் அடித்தார். நியூசிலாந்து தரப்பில் பிரேஸ்வெல் 4 விக்கெட்டும், சவுதி, ஷோதி தலா 2 விக்கெட்டும் வீழ்த்தினர்.

இதையடுத்து 2 போட்டிகள் கொண்ட டெஸ்ட் தொடர் 0-0 என்ற கணக்கில் டிரா ஆனது. இதனையடுத்து இரு அணிகள் இடையிலான 3 போட்டிகள் கொண்ட ஒருநாள் தொடர் 9ம் தேதி முதல் தொடங்க உள்ளது.