இலங்கை கேப்டன் தசுன் ஷனகா காயத்தால் விலகல்

புதுடெல்லி,

உலகக் கோப்பை கிரிக்கெட்டில் இலங்கை அணியை வழிநடத்திய ஆல்-ரவுண்டர் தசுன் ஷனகா தொடையில் ஏற்பட்ட காயம் காரணமாக எஞ்சிய போட்டிகளில் இருந்து விலகியுள்ளார். ஏற்கனவே முதல் இரு ஆட்டங்களில் இலங்கை தோற்ற நிலையில் ஷனகா விலகல் அந்த அணிக்கு மேலும் ஒரு பின்னடைவாகும்.

அவருக்கு பதிலாக சமிகா கருணாரத்னே சேர்க்கப்பட்டு உள்ளார். உலகக் கோப்பையில் இனி இலங்கை அணியின் கேப்டனாக தற்போதைய துணை கேப்டன் குசல் மென்டிஸ் செயல்படுவார்.