இந்தியா - ஆஸ்திரேலியா ஒருநாள் போட்டி: சேப்பாக்கம் மைதானத்தில் நாளை 1,600 போலீசார் பாதுகாப்பு
|1600 போலீசார் பாதுகாப்பு பணியில் ஈடுபடவுள்ளனர் என சென்னை காவல்துறை தகவல் தெரிவித்துள்ளனர்.
சென்னை,
இந்தியாவில் விளையாடி வரும் ஆஸ்திரேலிய கிரிக்கெட் அணி 3 போட்டிகள் கொண்ட ஒரு நாள் தொடரில் பங்கேற்றுள்ளது. இதில் மும்பையில் நடந்த தொடக்க ஆட்டத்தில் இந்தியாவும், விசாகப்பட்டினத்தில் நடந்த 2-வது ஆட்டத்தில் ஆஸ்திரேலியாவும் வெற்றி பெற்றன.
தொடர் யாருக்கு என்பதை நிர்ணயிக்கும் 3-வது மற்றும் கடைசி ஒரு நாள் போட்டி சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் நாளை (புதன்கிழமை) பிற்பகல் 1.30 மணிக்கு நடக்கிறது. போட்டிக்காக ரசிகர்களுக்கு ஒதுக்கப்பட்ட டிக்கெட்டுகள் அனைத்தும் விற்று தீர்ந்து விட்டன. இந்த நிலையில் கடைசி ஒருநாள் போட்டியில் விளையாடுவதற்காக இந்தியா, ஆஸ்திரேலியா அணி வீரர்கள் நேற்று விமானம் மூலம் சென்னை வந்து சேர்ந்தனர். இரு அணி வீரர்களும் இன்று பயிற்சியில் ஈடுப்பட்டுள்ள்ளனர்.
இந்த நிலையில் இந்தியா - ஆஸ்திரேலியா இடையிலான கடைசி ஒருநாள் போட்டி நடைபெறுவதால் சென்னை, சேப்பாக்கம் கிரிக்கெட் மைதானத்தில் நாளை 1600 போலீசார் பாதுகாப்பு பணியில் ஈடுபடவுள்ளனர் என சென்னை காவல்துறை தகவல் தெரிவித்துள்ளனர்.