ஆன்மிகம்: அறிந்ததும்.. அறியாததும்..

பூக்களும்.. பூஜையும்..

சிவபெருமானை வழிபடும்போது, நேரத்திற்கு தகுந்தாற்போல் பூக்களைக் கொண்டு வழிபட்டால் சிறப்பான பலன்களைப் பெறலாம்.

காலை: தாமரைப் பூ, பூவரசம்பூ, நவமல்லிகை, நந்தியாவட்டை, மந்தாரை, முல்லை, செண்பகம், புன்னை, தாழை.

மதியம்: வெண்தாமரை, அரளி, பூவரசம்பூ, நெய்தல், வில்வம், சங்கு புஷ்பம், மருதாணிப்பூ, கோவிதாரம், ஓரிதழ்த் தாமரை.

மாலை: செந்தாமரை, அல்லி, மல்லிகை, ஜாதிப்பூ, முல்லை, மரிக்கொழுந்து, வெட்டி வேர், கஜகர்ணிகை, வில்வம்.

சிவனின் பஞ்சமுக நைவேத்தியம்

ஈசானம் - சுத்தான்னம்

தத்புருஷம்- சர்க்கரைப் பொங்கல்

அகோரம் - எள் சாதம்

வாமதேவம் - தயிர்சாதம்

சத்யோஜாதம் - பொங்கல்

(மேற்கண்ட ஐந்து நிவேதனங்களையும் ஒருங்கே செய்தல் மிகவும் சிறப்பான பலன் தரக்கூடியது)

மாத பவுர்ணமியும்.. வழிபாட்டு பூக்களும்..

சிவபெருமானை ஒவ்வொரு மாத பவுர்ணமி தினத்திலும் வழிபடுகையில், அந்த மாதத்திற்கான மலர்களை சமர்ப்பித்து வழிபட்டால் பலன்கள் இரட்டிப்பாகும்.

சித்திரை - முல்லை, மரிக்கொழுந்து

வைகாசி - அலரி, நெய்தல், செம்பருத்தி, செந்தாமரை, பாதிரி

ஆனி - தாமரை, செண்பகம்

ஆடி - ஊமத்தை, கருநெய்தல்

ஆவணி - விஷ்ணு கரந்தை, மல்லிகை, புன்னை

புரட்டாசி - வெள்ெளருக்கு, தாமரை

ஐப்பசி - சங்குப்பூ, வில்வப்பூ, கொன்றை, மகிழம்பூ, மல்லிகை

கார்த்திகை - மல்லிகை, பாக்குப்பூ

மார்கழி - வெண்தாமரை, செந்தாமரை

தை - நந்தியாவட்டை, தாமரை

மாசி - மகிழம்பூ, மருதாணி, மல்லிகை

பங்குனி - கொக்கிறகு, தாமரை, காசித் தும்பை

அபிஷேக பலன்

சிவபெருமானை எந்தந்த திரவியங்கள் கொண்டு அபிஷேகம் செய்தால், என்னென்ன பலன்கள் கிடைக்கும் என்பதைப் பார்ப்போம்.

சுத்தமான நீர் - மன அமைதி

தைலம் - இன்பம்

பஞ்சாமிர்தம் - முக்தி

பால் - நீண்ட ஆயுள்

தயிர் - குழந்தைப் பேறு

அரிசி மாவு - கடன் நீங்கும்

மஞ்சள் - ராஜ வசியம்

கரும்புச் சாறு - ஆரோக்கியம்

எலுமிச்சை - எம பயம் நீக்கும்

அன்னாபிஷேகம் - விவசாயம் செழிக்கும்

தர்பை கலந்த தீர்த்தம் - ஞானம்

விபூதி - சகல ஐஸ்வர்யம்

சந்தனம் - பெரும் செல்வம்

சங்காபிஷேகம் - சகல பாபங்களும் நீங்கும்

சப்த விடங்க தலங்கள்

'விடங்க' என்பதற்கு 'உளியால் செதுக்கப்படாதது' என்று பொருள். உளியால் செதுக்கப்படாத மூலவரைக் கொண்ட 7 ஆலயங்கள், 'சப்த விடங்க தலங்கள்' என்று அழைக்கப்படுகின்றறன. அவை,

1. திருநள்ளாறு

2. திருநாகைக்காரோணம்

3. திருவாரூர்

4. திருக்காராவில்

5. திருக்கோளிலி

6. திருவாய்மூர்

7. திருமறைக்காடு