போர்ச்சுகல்லில் கொரோனா தொற்றின் வார பாதிப்பு 65,364; உயிரிழப்பு 123

லிஸ்பன்,

போர்ச்சுகல் நாட்டின் பொது சுகாதார இயக்ககம் வெளியிட்டுள்ள செய்தியில், கொரோனா தொற்றின் வார பாதிப்பு கடந்த ஜூன் 28ந்தேதி முதல் ஜூலை 4ந்தேதி வரையிலான காலகட்டத்தில் 65,364 ஆக உள்ளது என தெரிவித்து உள்ளது. உயிரிழப்பு 123 ஆக உள்ளது.

இது, அதற்கு முந்தின வாரத்துடன் ஒப்பிடும்போது, 27 எண்ணிக்கை குறைந்துள்ளது. கொரோனா பாதிப்புகளுக்காக 1,213 பேர் சிகிச்சைக்காக மருத்துவமனையில் சேர்க்கப்பட்டு உள்ளனர். இந்த எண்ணிக்கை அதற்கு முந்தின வாரத்துடன் ஒப்பிடும்போது, 228 குறைவு ஆகும்.

சிகிச்சைக்காக சேர்க்கப்பட்ட நபர்களில் 485 பேர் 80 வயதுக்கு கூடுதலான முதியவர்கள். அவர்களை தொடர்ந்து, 70-79 வயதுக்கு உட்பட்டவர்களும் மற்றும் 60 முதல் 69 வயதுக்கு உட்பட்டவர்களும் உள்ளனர் என தெரிவிக்கப்பட்டு உள்ளது.