தொழிலாளி தற்கொலை

திண்டுக்கல் சுக்காம்பட்டியை சேர்ந்தவர் அருளானந்தம் (வயது 40). கட்டிட தொழிலாளி. கடந்த 12-ந்தேதி வீட்டைவிட்டு வெளியே சென்றவர் அதன் பிறகு வீடு திரும்பவில்லை. இதையடுத்து உறவினர்கள் அவரை பல்வேறு இடங்களில் தேடினர். ஆனால் அவர் கிடைக்கவில்லை. இந்த நிலையில் நேற்று மொட்டணம்பட்டி சாலையோர கிணற்றில் அவர் பிணமாக மிதந்தார். இதைப்பார்த்த உறவினர்கள் தெற்கு போலீசாருக்கு தகவல் கொடுத்தனர்.

சம்பவ இடத்துக்கு விரைந்து சென்ற போலீசார் அருளானந்தம் உடலை மீட்டு பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரணை நடத்தினர். விசாரணையில், அவர் கிணற்றில் குதித்து தற்கொலை செய்து கொண்டது தெரியவந்தது. ஆனால் எதற்காக தற்கொலை செய்தார் என்பது தெரியவில்லை. அது குறித்து போலீசார் தீவிர விசாரணை நடத்தி வருகின்றனர். இறந்தவருக்கு சகாயம் என்ற மனைவியும், 2 மகள்கள், ஒரு மகன் ஆகியோர் உள்ளனர்.