வாகனம் மோதி தொழிலாளி சாவு

நத்தம் அருகேயுள்ள கல்வேலிபட்டியை சேர்ந்தவர் மூக்கன் (வயது 63). கூலித்தொழிலாளி. இவர், நேற்று முன்தினம் இரவு கோபால்பட்டியில் திண்டுக்கல் ரோட்டில் நடந்து சென்று கொண்டிருந்தார். அப்போது அந்த வழியாக சென்ற ஏதோ ஒரு வாகனம் அவர் மீது மோதியது. இதில் படுகாயம் அடைந்த அவரை அக்கம்பக்கத்தினர் மீட்டு சிகிச்சைக்காக திண்டுக்கல் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி நேற்று மூக்கன் பரிதாபமாக உயிரிழந்தார். இந்த விபத்து குறித்து சாணார்பட்டி போலீஸ் சப்-இன்ஸ்பெக்டர் சிராஜுதீன் வழக்குப்பதிவு செய்து விசாரணை நடத்தி வருகிறார்.