வெப்படை அருகே மொபட்டில் இருந்து தவறி விழுந்து தொழிலாளி சாவு

பள்ளிபாளையம்

பள்ளிபாளையம் அருகே வெப்படை பாதரை பகுதியை சேர்ந்தவர் கந்தசாமி (வயது 55). தொழிலாளி. கடந்த 30-ந் தேதி இவர் தனது மொபட்டில் வெப்படையில் இருந்து பாதரையை நோக்கி சென்று கொண்டிருந்தார். அப்போது எதிர்பாராதவிதமாக இவர் மொபட்டில் இருந்து நிலைதடுமாறி கீழே விழுந்து படுகாயம் அடைந்தார். பின்னர் அந்த வழியாக சென்றவர்கள் அவரை மீட்டு பள்ளிபாளையம் அரசு மருத்துவமனையில் சேர்த்தனர். பின்னர் மேல் சிகிச்சைக்காக கோவை தனியார் மருத்துவமனையில் சிகிச்சை பெற்று வந்தார். அங்கு சிகிச்சை பலனின்றி கந்தசாமி நேற்று இறந்தார். இதுகுறித்து வெப்படை போலீசார் வழக்குப்பதிவு செய்து நடத்தி வருகின்றனர். இவருக்கு மனைவி, ஒரு மகனும், மகளும் உள்ளனர்.