கொதிக்கும் தண்ணீரில் தவறி விழுந்த தொழிலாளி சாவு

ஓசூர்

ஓசூர் பேடரப்பள்ளி பாலாஜி நகரை சேர்ந்தவர் ஆதித்யா குராங் (வயது 19). இவர் ஓசூர் சிப்காட்டில் தனியார் நிறுவனத்தில் தங்கி, அங்கு தொழிலாளியாக வேலை செய்து வந்தார். சம்பவத்தன்று இவர் வேலை செய்து கொண்டிருந்த போது, எதிர்பாராதவிதமாக கொதிக்கும் தண்ணீரில் தவறி விழுந்தார். இதில் உடல் முழுவதும் பலத்த காயமடைந்த அவரை அருகில் இருந்தவர்கள் மீட்டு ஓசூர் தனியார் மருத்துவமனையில் சேர்த்தனர். அங்கு சிகிச்சை பலனின்றி நேற்று முன்தினம் அவர் பரிதாபமாக இறந்தார். இது குறித்து ஓசூர் சிப்காட் போலீசார் வழக்குப்பதிவு செய்து விசாரணை நடத்தி வருகிறார்கள்.