குவாரியில் கல் விழுந்து தொழிலாளி சாவு

குருபரப்பள்ளி

பர்கூர் தாலுகா பெரிய மட்டாரப்பள்ளியை சேர்ந்தவர் மாதையன் (வயது 45). கூலித்தொழிலாளி. இவர் மகராஜகடை அருகே மேல்பட்டியில் உள்ள கல்குவாரி ஒன்றில் வேலை செய்து கொண்டிருந்தார். அப்போது எதிர்பாராதவிதமாக கல் மாதையன் மீது விழுந்தது. இதில் பலத்த காயம் அடைந்த அவரை அருகில் இருந்தவர்கள் மீட்டு கிருஷ்ணகிரியில் உள்ள தனியார் மருத்துவமனை ஒன்றில் சேர்த்தனர். பின்னர் மேல் சிகிச்சைக்காக கிருஷ்ணகிரி அரசு ஆஸ்பத்திரியில் அவர் சேர்க்கப்பட்டார். அங்கு சிகிச்சை பலன் அளிக்காமல் நேற்று முன்தினம் அவர் பரிதாபமாக இறந்தார். இது குறித்து மகராஜகடை போலீஸ் இன்ஸ்பெக்டர் (பொறுப்பு) முரளி விசாரணை நடத்தி வருகிறார்.