நாமக்கல் அருகே மாடியில் இருந்து தவறி விழுந்து தொழிலாளி சாவு

நாமக்கல் அருகே உள்ள வசந்தபுரத்தை சேர்ந்தவர் சக்திவேல். கட்டிட தொழிலாளி. இவர் தனது வீட்டின் 2-வது மாடியில் புதிதாக தண்ணீர் தொட்டி கட்டி வருகிறார். நேற்று முன்தினம் அந்த தொட்டியில் பூச்சு வேலை செய்து கொண்டு இருந்தார்.

அப்போது கால்தவறி 2-வது மாடியில் இருந்து கீழே விழுந்து விட்டார். அக்கம்பக்கத்தில் உள்ளவர்கள் அவரை மீட்டு நாமக்கல் அரசு ஆஸ்பத்திரிக்கு சிகிச்சைக்காக கொண்டு வந்தனர். இங்கு சக்திவேலை பரிசோதனை செய்த டாக்டர்கள் அவர் ஏற்கனவே இறந்து விட்டதாக கூறினர். இந்த சம்பவம் குறித்து அவரது மகன் பாலசுப்பிரமணி நாமக்கல் போலீசில் புகார் செய்தார். அந்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.