வார இறுதி நாட்களை முன்னிட்டு நாளை தமிழகம் முழுவதும் 600 சிறப்பு பஸ்கள் இயக்கம்

சென்னை,

தமிழகத்தில் வார இறுதி நாட்களில் பஸ்களில் பயணம் செய்யும் பயணிகளின் கூட்ட நெரிசலை கட்டுப்படுத்தும் வகையில், கூடுதலாக சிறப்பு பஸ்களை இயக்க தமிழக அரசு போக்குவரத்து கழகம் புதிய ஏற்பாட்டைச் செய்துள்ளது. இந்த சிறப்பு பஸ்கள் வழக்கமான வழித்தடங்களில் இயக்கப்படும் என்று தெரிவிக்கப்பட்டுள்ளது.

அதன்படி வார இறுதி நாட்களையொட்டி நாளை தமிழகம் முழுவதும் 600 சிறப்பு பஸ்கள் இயக்கப்பட உள்ளன. சென்னையில் இருந்து கூடுதலாக 300 பஸ்கள், மற்ற இடங்களில் இருந்து கூடுதலாக 300 பஸ்கள் இயக்கப்பட உள்ளன. மேலும் ஞாயிறன்று சொந்த ஊர்களில் இருந்து சென்னை வரும் மக்களுக்காக அனைத்து இடங்களிலும் சிறப்பு பஸ்கள் இயக்க திட்டமிடப்பட்டுள்ளது.