தேனியில் மொபட்டில் இருந்து மயங்கி விழுந்த தொழிலாளி சாவு

தேனி, ஜூன்.22

தேனி அல்லிநகரத்தை சேர்ந்தவர் அப்பாஸ் (வயது 55). கூலித்தொழிலாளி. கடந்த 19-ந்தேதி இவர் தேனி பெரியகுளம் சாலையில் மொபட்டில் சென்று கொண்டு இருந்தார். அப்போது அவர் திடீரென மயங்கி கீழே விழுந்தார். இதில் அவருக்கு காயம் ஏற்பட்டது. அவர் சிகிச்சைக்காக தேனி அரசு மருத்துவ கல்லூரி மருத்துவமனையில் அனுமதிக்கப்பட்டார். அங்கு சிகிச்சை பலனின்றி நேற்று அவர் உயிரிழந்தார். இந்த சம்பவம் குறித்து அவருடைய மகன் முகமது ஜாஸிம் கொடுத்த புகாரின் பேரில் தேனி போலீசார் வழக்குப்பதிவு செய்து விசாரணை நடத்தி வருகின்றனர்.