பெண் வக்கீலுக்குகொலை மிரட்டல்; வாலிபர் கைது

மானூர்:

மானூர் அருகே எட்டான்குளத்தைச் சேர்ந்தவர் மாயாண்டி மகள் பிரேமா (வயது 26). வக்கீலான இவர் நேற்று முன்தினம் நெல்லையில் இருந்து தனது ஊருக்கு தோழிகளுடன் அரசு டவுன் பஸ்சில் சென்றார். அப்போது அந்த பஸ்சில் அலவந்தான்குளத்தைச் சேர்ந்த யோசேப்பு மகன் தாவீதுராஜ் (19) தனது 7 நண்பர்களுடன் சென்றார். அவர்கள் செல்போனில் ஆபாச பாடல்களை சத்தமாக வைத்து கொண்டு, பிரேமா மற்றும் அவரது தோழிகளிடம் தகராறு செய்தனர்.

இதனை தட்டி கேட்ட பிரேமாவை அவதூறாக பேசி கொலை மிரட்டல் விடுத்தனர். இதுகுறித்த புகாரின்பேரில், மானூர் போலீசார் வழக்குப்பதிவு தாவீதுராஜை கைது செய்தனர். மேலும் தலைமறைவான அவரது நண்பர்களையும் வலைவீசி தேடி வருகின்றனர்