வாலிபர் கைது

ஸ்ரீவைகுண்டம்:

முறப்பநாடு போலீஸ் நிலையத்திற்கு உட்பட்ட நாணல்காடு பகுதியை சேர்ந்தவர் கைலாசம். இவருடைய மகன் கணேசன் (வயது 29). இவர் தனது மனைவியிடம் மதுபோதையில் தகராறு செய்துள்ளார். கணேசனின் உறவினரான அதே பகுதியை சேர்ந்த கந்தசாமி மகன் உலகுமுத்து (67), கணேசனை கண்டித்துள்ளார். இதனால் ஆத்திரமடைந்த கணேசன் உலகுமுத்துவிடம் தகராறு செய்து அவரை கம்பால் தாக்கியுள்ளார்.

இதுகுறித்து உலகுமுத்து அளித்த புகாரின் பேரில் முறப்பநாடு சப்-இன்ஸ்பெக்டர் சுரேஷ்குமார் வழக்குப்பதிவு செய்து கணேசனை கைது செய்தார்.