பஸ்- கார் மோதல்; முதியவர் பலி

நல்லம்பள்ளி

பஸ்- கார் மோதல்

நல்லம்பள்ளி ஜருகு அருகே ஆணகுண்டு பகுதியை சேர்ந்தவர் மாரிமுத்து (வயது 61), விவசாயி. இவர், சொந்த வேலையாக நேற்று நல்லம்பள்ளிக்கு காரில் சென்று விட்டு மீண்டும் ஊருக்கு வந்து கொண்டிருந்தார்.

அப்போது சாமிசெட்டிப்பட்டி மயானம் அருகே வந்தபோது, அவ்வழியாக சின்னம்பள்ளியில் இருந்து தர்மபுரி நோக்கி வந்த அரசு டவுன் பஸ் எதிர்பாரதவிதமாக கார் மீது மோதியது.

முதியவர் சாவு

விபத்தில் காரை ஓட்டி வந்த முதியவர் மாரிமுத்து சம்பவ இடத்திலேயே பலத்த காயம் ஏற்பட்டு உயிரிழந்தார்.

விபத்து குறித்து தகவல் அறிந்து சம்பவ இடத்திற்கு வந்த போலீசார் மாரிமுத்துவின் சடலத்தை மீட்டு பிரேத பரிசோதனைக்காக தர்மபுரி அரசு மருத்துவமனைக்கு போலீசார் அனுப்பி வைத்தனர், விபத்து குறித்து தொப்பூர் போலீசார் வழக்கு பதிவு செய்து விசாரணை நடத்தி வருகின்றனர்.