ஊரணியில் மூழ்கி வியாபாரி சாவு

புதுக்கோட்டை மாவட்டம், கடையக்குடி ஊராட்சி கணக்கம்பட்டியை சேர்ந்தவர் சோலை (வயது 50). வெள்ளரிக்காய் வியாபாரம் செய்து வந்தார். இவருக்கு வலிப்பு உள்ளதாக கூறப்படுகிறது. இந்நிலையில் நேற்று காலை கீழகொத்தக்கோட்டையில் உள்ள முக்கன் ஊரணியில் சோலை குளிக்க சென்றுள்ளார். அப்போது ஊரணியில் குளித்த போது நீரில் மூழ்கி சோலை இறந்தார். இதுகுறித்து தகவல் அறிந்த ஆலங்குடி போலீசார் சம்பவ இடத்திற்கு விரைந்து வந்து சோலை உடலை மீட்டு பிரேத பரிசோதனைக்காக ஆலங்குடி அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.