பரமத்திவேலூர், கோப்பணம்பாளையத்தில்ஆனி திருமஞ்சன விழா

பரமத்திவேலூர்:

பரமத்திவேலூர் பேட்டை திருஞான சம்பந்தர் மடாலயத்தில் நேற்று ஆனி திருமஞ்சனம் மற்றும் ஆனி உத்திர தரிசனத்தையொட்டி நடராஜ பெருமானுக்கு சிறப்பு அபிஷேக ஆராதனைகள், சிறப்பு அலங்காரம் நடைபெற்றது. காலை 8 மணி முதல் மதியம் 12 மணி வரை தேவாரம், திருவாசகம் ஓதுதல், சிவகாமசுந்தரி உடனாகிய நடராஜ பெருமானுக்கு ஆனி திருமஞ்சன அபிஷேகம் நடைபெற்றது. மதியம் 1 மணி அளவில் மகேஸ்வர பூஜையும், பக்தர்களுக்கு அன்னதானம் வழங்கப்பட்டது.

இதேபோல் பாண்டமங்கலம் அருகே கோப்பணம்பாளையத்தில் உள்ள பரமேஸ்வரர் கோவிலில் ஆனி திருமஞ்சனம் மற்றும் ஆனி உத்திர தரிசனம் நடைபெற்றது. இதில் பரமத்திவேலூர் மற்றும் பாண்டமங்கலம் சுற்றுவட்டார பகுதிகளை சேர்ந்த பக்தர்கள் கலந்து கொண்டு சாமி தரிசனம் செய்தனர்.