ஆட்டோ டிரைவர் உள்பட 3 பேர் தற்கொலை

கிருஷ்ணகிரி மாவட்டத்தில் வெவ்வேறு இடங்களில் ஆட்டோ டிரைவர் உள்பட 3 பேர் தற்கொலை செய்து கொண்டனர்.

கட்டிட தொழிலாளி

கிருஷ்ணகிரி மாவட்டம் போச்சம்பள்ளி அருகே உள்ள ஏ.மோட்டூரை சேர்ந்தவர் திலிப்குமார் (வயது 21). கட்டிட தொழிலாளி. கடந்த 2 ஆண்டுகளுக்கு முன்பு இவருக்கு விபத்தில் காயம் ஏற்பட்டது. அப்போது முதல் இடுப்பு வலியால் அவதிப்பட்டு வந்த அவர் வாழ்க்கையில் வெறுப்படைந்து நேற்று முன்தினம் அங்குள்ள மாந்தோப்பில் மரத்தில் தூக்குப்போட்டு தற்கொலை செய்து கொண்டார். இது குறித்து பாரூர் போலீசார் வழக்குப்பதிவு செய்து விசாரணை நடத்தி வருகிறார்கள்.

ஆட்டோ டிரைவர்

காவேரிப்பட்டணம் அருகே திம்மாபுரம் ராமநாதன் நகரை சேர்ந்தவர் சசிக்குமார் (45). ஆட்டோ டிரைவர். இவருக்கு மது குடிக்கும் பழக்கம் இருந்தது. மேலும் குடும்பத்திலும் மனைவியுடன் அடிக்கடி தகராறு இருந்தது.

இந்த நிலையில் ேநற்று முன்தினம் மனமுடைந்து காணப்பட்ட சசிக்குமார் வீட்டில் தூக்குப்போட்டு தற்கொலை செய்து கொண்டார். இதுகுறித்து காவேரிப்பட்டணம் போலீசார் வழக்குப்பதிவு செய்து விசாரணை நடத்தி வருகிறார்கள்.

முதியவர்

கிருஷ்ணகிரி காட்டிநாயனப்பள்ளி சிவாஜி நகரை சேர்ந்தவர் கந்தசாமி (75). சர்க்கரை நோயால் அவதிப்பட்ட அவர் பல மருத்துவமனைகளில் சிகிச்சை பெற்றும் குணமாகவில்லை. இதனால் மனமுடைந்த முதியவர் வீட்டின் அருகில் உள்ள மரத்தில் தூக்குப்போட்டு தற்கொலை செய்து கொண்டார். இது குறித்து மகராஜகடை போலீசார் வழக்குப்பதிவு செய்து விசாரணை நடத்தி வருகிறார்கள்.