2 பெண்கள் தற்கொலை

பர்கூர்

பர்கூர், ஊத்தங்கரை பகுதிகளில் 2 பெண்கள் தற்கொலை செய்து கொண்டனர்.

தூக்குப்போட்டு தற்கொலை

பர்கூர் அருகே உள்ள அத்திமரத்துப்பள்ளம் பகுதியை சேர்ந்தவர் உதயகுமார். இவரது மனைவி வெங்கடம்மாள் (வயது 46). உடல் நலக்குறைவால் பாதிக்கப்பட்ட அவர் பல இடங்களில் சிகிச்சை பெற்றும் குணமடையவில்லை. இதனால் மனமுடைந்த அவர் தூக்குப்போட்டு தற்கொலை செய்து கொண்டார்.

இதுகுறித்து பர்கூர் போலீசாருக்கு தகவல் தெரிவிக்கப்பட்டது. அதன் பேரில் போலீசார் விரைந்து சென்று உடலை கைப்பற்றி பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.

ஊத்தங்கரை

ஊத்தங்கரை அருகே சென்னப்ப நாயக்கனூரை சேர்ந்தவர் சின்னசாமி. இவரது மனைவி பாக்கியம் (52). உடல் நலக்குறைவால் அவதிப்பட்டு வந்த அவர் அதற்காக பல மருத்துவமனைகளில் சிகிச்சை பெற்றும் குணமடையவில்லை. இதனால் மனமுடைந்து காணப்பட்ட அவர் விஷம் குடித்து விட்டு வீட்டில் மயங்கி கிடந்தார்.

இதைகண்டு அதிர்ச்சி அடைந்த உறவினர்கள் அவரை மீட்டு சிகிச்சைக்காக ஊத்தங்கரை அரசு ஆஸ்பத்திரியில் சேர்த்தனர். அங்கு சிகிச்சை பலனின்றி பாக்கியம் பரிதாபமாக இறந்தார். இதுகுறித்து ஊத்தங்கரை போலீசார் வழக்குப்பதிவு செய்து விசாரணை நடத்தி வருகிறார்கள்.