பாத்திர வியாபாரி தற்கொலை

தேன்கனிக்கோட்டை:

தளி அருகே உள்ள பள்ளப்பள்ளியை சேர்ந்தவர் ராமராவ்(வயது 48). பாத்திர வியாபாரி. இவரது மனைவி சாரதா. இவர்களுக்கு குழந்தைகள் உள்ளனர். இதனிடையே ராமராவுக்கு மது குடிக்கும் பழக்கம் இருந்து வந்தது.

இதனால் அவர் வயிற்று வலியால் அவதிப்பட்டு வந்தார். இதற்காக அவர் பல்வேறு மருத்துவமனைகளில் சிகிச்சை பெற்றும் வலி குணமாகவில்லை. இதனால் மனமுடைந்து காணப்பட்ட அவர் தூக்குப்போட்டு தற்கொலை செய்து கொண்டார்.

இதுகுறித்து தளி போலீசுக்கு தகவல் தெரிவிக்கப்பட்டது. அதன் பேரில் போலீசார் விரைந்து சென்று ராமராவின் உடலை கைப்பற்றி பிரேத பரிசோதனைக்காக தேன்கனிக்கோட்டை அரசு ஆஸ்பத்திரிக்கு அனுப்பி வைத்தனர். ராமராவ் தற்கொலை செய்து கொண்ட சம்பவம் குறித்து தளி போலீசார் வழக்குப்பதிவு செய்து விசாரணை நடத்தி வருகின்றனர்.