பொம்மிடி அருகேவிஷம் குடித்து தொழிலாளி தற்கொலை

தர்மபுரி

தர்மபுரி மாவட்டம் பொம்மிடி அருகே உள்ள கதிரிபுரம் கிராமத்தைச் சேர்ந்தவர் மாதேஷ் (வயது 33). தொழிலாளியான இவருக்கு திருமணமாகி மனைவியும் 2 குழந்தைகளும் உள்ளனர். மாதேசுக்கு மதுகுடிக்கும் பழக்கம் இருந்ததாக கூறப்படுகிறது. இதனால் கணவன், மனைவியிடையே கருத்து வேறுபாடு ஏற்பட்டுள்ளது. இதன் காரணமாக அவருடைய மனைவி பெற்றோர் வீட்டுக்கு சென்று உள்ளார். இந்த நிலையில் மாதேஷ் விஷம் குடித்து விட்டு வீட்டில் மயங்கி கிடந்தார். அவரை குடும்பத்தினர் மீட்டு பாப்பிரெட்டிப்பட்டி அரசு மருத்துவமனையில் சேர்த்தனர். பின்னர் மேல் சிகிச்சைக்காக தர்மபுரி அரசு மருத்துவமனையில் சேர்த்தனர். அங்கு சிகிச்சை பலனின்றி மாதேஷ் பரிதாபமாக உயிரிழந்தார். இதுகுறித்து பொம்மிடி போலீசார் வழக்குப்பதிவு செய்து விசாரணை நடத்தி வருகிறார்கள்.