தேன்கனிக்கோட்டை அருகேவிஷம் குடித்து தொழிலாளி தற்கொலை

தேன்கனிக்கோட்டை

தேன்கனிக்கோட்டை அருகே உள்ள ஜவனசந்திரத்தைச் சேர்ந்தவர் மாதேஷ் (வயது35). கூலித் தொழிலாளி. இவருக்கு மது குடிக்கும் பழக்கம் இருந்தது. மேலும் குடும்ப பிரச்சினையும் இருந்தது. இதனால் மனமுடைந்த மாதேஷ் விஷம் குடித்து விட்டு வீட்டில் மயங்கி கிடந்தார். அவரை உறவினர்கள் மீட்டு தேன்கனிக்கோட்டை அரசு ஆஸ்பத்திரியில் சேர்த்தனர்.

பின்னர் அவர் மேல் சிகிச்சைக்காக கிருஷ்ணகிரி அரசு மருத்துவ கல்லூரி மருத்துவமனையில் அனுமதிக்கப்பட்டார். அங்கு சிகிச்சை பலனின்றி நேற்று முன்தினம் அவர் பரிதாபமாக இறந்தார். இது குறித்து தேன்கனிக்கோட்டை போலீசார் விசாரணை நடத்தி வருகிறார்கள்.