அம்மன் கோவில்களில் சிறப்பு வழிபாடு

ஆடி மாதத்தின் 2-வது வெள்ளிக்கிழமையையொட்டி கரூர் மாரியம்மன் கோவிலில் அம்மனுக்கு பால், பன்னீர், மஞ்சள், இளநீர் உள்ளிட்ட பல்வேறு திரவியங்களால் சிறப்பு அபிஷேகமும், பூஜையும் செய்யப்பட்டு, சிறப்பு அலங்காரத்தில் அம்மன் பக்தர்களுக்கு அருள்பாலித்தார். தொடர்ந்து அம்மனுக்கு மகாதீபாராதனை காட்டப்பட்டது. பின்னர் பக்தர்கள் நீண்ட வரிசையில் காத்திருந்து சாமி தரிசனம் செய்தனர். மேலும் பக்தர்கள் கோவில் முன்பு விளக்கேற்றியும், சூடமேற்றியும், பயபக்தியுடன் சாமி கும்பிட்டனர்.தளவாப்பாளையம் மாரியம்மன், நொய்யல் செல்லாண்டியம்மன், வெள்ளியணை புவனேஸ்வரி அம்மன் உள்பட கரூர் மாவட்டத்தில் உள்ள அனைத்து அம்மன் கோவில்களிலும் சிறப்பு வழிபாடு நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.