அம்மன் கோவில்களில் சிறப்பு வழிபாடு

நொய்யல்,

புன்னம் சத்திரம் அருகே கரியாம்பட்டியில் பிரசித்தி பெற்ற அங்காள பரமேஸ்வரி அம்மன் கோவில் உள்ளது. இங்கு வைகாசி மாத முதல் வெள்ளிக்கிழமையை முன்னிட்டு அம்மனுக்கு பால், தயிர், பன்னீர், இளநீர் உள்ளிட்ட 18 வகையான வாசனை திரவியங்களால் அபிஷேகம் நடைபெற்றது. தொடர்ந்து மலர்களால் அலங்காரம் செய்யப்பட்டு தீபாராதனை காட்டப்பட்டது.

அதேபோல் சேமங்கி மாரியம்மன், நொய்யல் செல்லாண்டியம்மன், புன்னம் மாரியம்மன், தவிட்டுப்பாளையம் மாரியம்மன் உள்ளிட்ட பல்வேறு அம்மன் கோவில்களிலும் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.