சிவன் கோவில்களில் சிறப்பு வழிபாடு

பரமத்திவேலூர்:

பரமத்திவேலூர் சுற்று வட்டார பகுதிகளில் உள்ள சிவன் கோவில்களில் வைகாசி மாத வளர்பிறை பிரதோஷ விழா நேற்று மாலை நடைபெற்றது. பரமத்திவேலூர் சுற்றுவட்டார பகுதிகளில் உள்ள பாண்டமங்கலம் புதிய காசி விஸ்வநாதர், நன்செய் இடையாறு திருவேலீஸ்வரர், மாவுரெட்டி பீமேஷ்வரர், பில்லூர் வீரட்டீஸ்வரர், பொத்தனூர் காசிவிஸ்வநாதர், பேட்டை மீனாட்சி சுந்தரேஸ்வரர், கோப்பணம்பாளையத்தில் உள்ள பரமேஷ்வரர் மற்றும் வேலூர் எல்லையம்மன் உள்ளிட்ட கோவில்களில் வளர்பிறை பிரதோஷத்தையொட்டி சிவபெருமான் மற்றும் நந்திகேஷ்வரருக்கு சிறப்பு அபிஷேக, ஆராதனைகளும், சிறப்பு அலங்காரமும் நடைபெற்றது. இதில் அந்தந்த பகுதிகளைச் சேர்ந்த பக்தர்கள், பொதுமக்கள் கலந்து கொண்டு தரிசனம் செய்தனர்.