பாம்பு கடித்து பள்ளி மாணவன் சாவு

தியாகதுருகம்

தியாகதுருகம் அருகே வடதொரசலூர் கிராமத்தை சேர்ந்தவர் பிரபாகரன் மகன் நவீன்(வயது 11). இவன் பல்லகச்சேரி கிராமத்தில் உள்ள அவனது தாத்தா சாமுண்டி வீட்டில் தங்கி இருந்து அங்குள்ள அரசு நடுநிலைப்பள்ளியில் 7-ம் வகுப்பு படித்து வந்தான். இந்நிலையில் சம்பவத்தன்று அங்குள்ள விவசாய நிலத்தில் கிடந்த வைக்கோல் மீது நவீன் சக மாணவர்களுடன் சேர்ந்து விளையாடிக்கொண்டிருந்தபோது அவனை விஷ பாம்பு கடித்தது. இதில் மயங்கி விழுந்த அவனை அக்கம்பக்கத்தினர் மீட்டு சிகிச்சைக்காக கள்ளக்குறிச்சி அரசு மருத்துவக்கல்லூரி மருத்துவமனையில் சேர்த்தனர். பின்னர் அங்கிருந்து மேல் சிகிச்சைக்காக சேலம் அரசு மருத்துவமனையில் அனுமதிக்கப்பட்ட நவீன் சிகிச்சை பலன் இன்றி பரிதாபமாக இறந்தான். இது குறித்து அவனது தந்தை பிரபாகரன் கொடுத்த புகாரின் பேரில் தியாகதுருகம் போலீசார் வழக்குப்பதிவு செய்து விசாரணை நடத்தி வருகின்றனர்.