சத்தியமங்கலம் மார்க்கெட்டில்மல்லிகைப்பூ கிலோ ரூ.1,540-க்கு ஏலம்

சத்தியமங்கலம்

சத்தியமங்கலம் கரட்டூர்ரோட்டில் பூ மார்க்கெட் உள்ளது. அங்கு தினமும் காலை 7 மணி முதல் மாலை 4 மணி வரை பூக்கள் ஏலம் நடைபெறும். நேற்று நடந்த ஏலத்துக்கு சத்தியமங்கலம் மற்றும் சுற்றுவட்டார பகுதியில் இருந்து 1½ டன் பூக்களை விவசாயிகள் கொண்டு வந்திருந்தார்கள். இதில் ஒரு கிலோ மல்லிகை பூ ரூ.1,540-க்கும், முல்லை ரூ.1,140-க்கும், காக்கடா ரூ.700-க்கும், செண்டுமல்லி ரூ.77-க்கும், பட்டு பூ ரூ.135-க்கும், ஜாதி மல்லி ரூ.900-க்கும், கனகாம்பரம் ரூ.560-க்கும், சம்பங்கி ரூ.100-க்கும், அரளி ரூ.320-க்கும், துளசி ரூ.40-க்கும், செவ்வந்தி ரூ.140-க்கு ஏலம் போனது.