கொடுமுடி பகுதியில் மழை

கொடுமுடி

கொடுமுடி மற்றும் அதன் சுற்றுவட்டார பகுதிகளில் நேற்று முன்தினம் மாலை பலத்த காற்று வீசியது. பின்னர் கரு மேகங்கள் சூழ்ந்தது. அதன்பின்னர் மாலை 5 மணி அளவில் மழை பெய்ய தொடங்கியது. இரவு 8 மணி வரை பெய்த மழை சற்று குறைய தொடங்கி மீண்டும் நள்ளிரவு 12 மணி வரை பெய்துக்கொண்டே இருந்தது. இதனால் அப்பகுதி முழுவதும் குளிர்ச்சியான சூழ்நிலை நிலவியது. தொடர்ந்து வானம் மேகமூட்டத்துடன் காணப்பட்டது. மாலை நேரங்களில் சாரல் மழை ஆங்காங்கே பெய்தது.