122 கொள்முதல் நிலையங்களில் 49 ஆயிரத்து 158 மெட்ரிக் டன் நெல் கொள்முதல்

மயிலாடுதுறை மாவட்ட கலெக்டர் மகாபாரதி வெளியிட்டுள்ள செய்திக்குறிப்பில் கூறியிருப்பதாவது:- தமிழ்நாடு நுகர்பொருள் வாணிபக்கழகம் மயிலாடுதுறை மாவட்டத்தில் 2023-24 -ம் ஆண்டு குறுவை பருவத்தில் திறக்கப்பட்ட 122 கொள்முதல் நிலையங்களிலிருந்து இதுவரை 49 ஆயிரத்து 158 மெட்ரிக் டன் நெல் கொள்முதல் செய்யப்பட்டுள்ளது. கொள்முதல் செய்யப்பட்ட நெல்லுக்குண்டான தொகை ரூ.112 கோடியே 31 லட்சத்து 83 ஆயிரத்து 80 அளவில், 9 ஆயிரத்து 540 விவசாயிகளின் வங்கி கணக்கில் நேரடியாக வரவு வைக்கப்பட்டுள்ளது. நெல் வரத்து குறைவின் காரணமாக 105 கொள்முதல் நிலையங்கள் மூடப்பட்டுள்ளன. மேலும், குத்தாலம் தாலுகாவில் தேரிழந்தூர், 52வில்லியநல்லூரிலும், மயிலாடுதுறை தாலுகாவில் கோடங்குடி, திருவிழந்தூர், கொற்கை, இளந்தோப்பு, திருவாளப்புத்தூர், மணல்மேடு-1, கேசிங்கன், 204 திருமங்கலம், நமச்சிவாயபுரத்திலும், தரங்கம்பாடி தாலுகாவில் காளகஸ்தினாபுரம், பெரம்பூர், கீழ்மாத்தூரிலும், சீர்காழி தாலுகாவில் நாங்கூர், குன்னம், மருதங்குடி என தொடர்ந்து இயங்கி கொண்டிருக்கும் 17 நெல் கொள்முதல் நிலையங்களில் விவசாயிகள் தங்களுடைய நெல்லினை விற்பனை செய்து பயன்பெறலாம். இவ்வாறு அதில் கூறப்பட்டுள்ளது.