சொத்து தகராறு: உருட்டுக்கட்டையால் தாக்கியதில் மாற்றுத்திறனாளி படுகாயம்

ஆலங்குடி அருகே உள்ள பள்ளத்திவிடுதி பண்டார தெருவை சேர்ந்தவர் ராமுக்கண்ணு. இவருக்கு 5 மகன்கள் உள்ளனர். இதில் மாற்றுத்திறனாளியான புஷ்பராஜுவுக்கும் (வயது 40), அவரது தம்பி ராஜாவுக்கும் (32) இடையே சொத்து தகராறு இருந்துள்ளது. இந்தநிலையில், அவர்கள் 2 பேருக்கும் இடையே மீண்டும் சொத்து தகராறு ஏற்பட்டுள்ளது. இதில் ஆத்திரம் அடைந்த ராஜா உருட்டுக்கட்டையால் புஷ்பராஜாவை தாக்கியுள்ளார். இதில், தலையில் பலத்த காயம் அடைந்த அவரை அப்பகுதி மக்கள் மீட்டு ஆலங்குடி அரசு மருத்துவமனையில் சேர்த்தனர். அங்கு அவருக்கு சிகிச்சை அளிக்கப்பட்டது. இந்த சம்பவம் குறித்து ஆலங்குடி போலீசார் வழக்குப்பதிவு செய்து விசாரணை நடத்தி வருகிறார்கள்.