வெற்றி பெற்ற மாணவர்களுக்கு பரிசு

திருவாரூர் கலெக்டர் அலுவலகத்தில் மக்கள் குறைதீர்க்கும் கூட்டம் நேற்று நடந்தது. கூட்டத்திற்கு கலெக்டர் காயத்ரி கிருஷ்ணன் தலைமை தாங்கினார். இதில் பொதுமக்கள் பட்டாமாறுதல், புதிய குடும்ப அட்டை, கல்விக்கடன், வீட்டுமனைப்பட்டா உள்ளிட்ட பல்வேறு கோரிக்கைகள் குறித்த 244 மனுக்களை அளித்தனர். மனுக்களை பெற்று கொண்ட கலெக்டர் சம்பந்தப்பட்ட துறை அலுவலர்களிடம் வழங்கி குறித்த காலத்திற்குள் நடவடிக்கை எடுக்க உத்தரவிட்டார்.

அதனை தொடர்ந்து தமிழ் வளர்ச்சித்துறையின் சார்பில் அண்ணா மற்றும் பெரியார் ஆகியோர் பிறந்தநாளை முன்னிட்டு நடந்த பேச்சு போட்டிகளில் வெற்றி பெற்ற பள்ளி மற்றும் கல்லூரிகளை சேர்ந்த 16 மாணவ-மாணவிகளுக்கு பரிசு மற்றும் நற்சான்றிதழை கலெக்டர் வழங்கினார். இதில் மாவட்ட வருவாய் அலுவலர் சிதம்பரம் உள்ளிட்ட பலர் கலந்துகொண்டனர்.