முன் அறிவிப்பு இல்லாத மின்தடை

நாகை மாவட்டம் திட்டச்சேரியில் துணை மின்நிலையம் இயங்கி வருகிறது. இங்கிருந்து பல்வேறு கிராமங்களுக்கு மின் வினியோகம் செய்யப்பட்டு வருகிறது. இந்த நிலையில் திட்டச்சேரி துணை மின் நிலைய கட்டுப்பாட்டில் உள்ள பகுதிகளுக்கு மட்டும் எவ்வித முன் அறிவிப்பின்றி பல மணி நேரம் தொடர்ந்து மின் தடை ஏற்படுகிறது. கோடை காலத்தில் மின்சாரமின்றி பொதுமக்கள் அவதிப்பட்டு வருகிறார்கள். எனவே திட்டச்சேரி பகுதிக்கு தடையில்லாமல் மின்சாரம் வழங்க மாவட்ட நிர்வாகம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.