போடி அருகேகஞ்சா விற்ற பெண் கைது

போடி அருகே உள்ள முந்தல் பகுதியில் குரங்கணி போலீசார் ரோந்து பணியில் ஈடுபட்டனர். அப்போது முந்தல் எழுரம்மன் கோவில் அருகே நின்ற ஒரு பெண்ணை சந்தேகத்தின் பேரில் பிடித்து சோதனை செய்தனர். அதில் அவரிடம் 1 கிலோ 250 கிராம் கஞ்சா இருப்பது கண்டுபிடிக்கப்பட்டது. விசாரணை நடத்தியதில் அவர், அதே பகுதியை சேர்ந்த சந்திரா (வயது 49) என்பதும், கஞ்சா விற்பனை செய்ததும் தெரியவந்தது. இதையடுத்து போலீசார் அவரை கைது செய்தனர். அவரிடம் இருந்து கஞ்சாவும் பறிமுதல் செய்யப்பட்டது.