பஹ்ரைன் வாழ் தமிழ் மாணவர்களுக்கு தமிழ் பாடப்புத்தகங்கள் - அமைச்சர் அன்பில் மகேஸ் வழங்கினார்

சென்னை,

பஹ்ரைன் வாழ் தமிழ் மாணவர்கள் நலன் கருதி தமிழ்நாடு பாடநூல் மற்றும் கல்வியியல் பணிகள் கழகம் சார்பில் 9 மற்றும் 10-ம் வகுப்பு வரையிலான 138 தமிழ் பாடப்புத்தகங்களை பள்ளிக் கல்வித்துறை அமைச்சர் அன்பில் மகேஸ் பொய்யாமொழி வழங்கினார். இந்தப் புத்தகங்களை மாநிலங்களவை உறுப்பினர் எம்.எம். அப்துல்லா பெற்றுக்கொண்டார்.

இந்த நிகழ்வில் தமிழ்நாடு பாடநூல் மற்றும் கல்வியியல் பணிகள் கழகத் தலைவர் திண்டுக்கல் ஐ லியோனி, தமிழ்நாடு பாடநூல் மற்றும் கல்வியியல் பணிகள் கழக மேலாண்மை இயக்குனர் ஆர். கஜலட்சுமி மற்றும் இணை இயக்குனர் சங்கர சரவணன் ஆகியோர் உடன் இருந்தனர்.