மீனாட்சி அம்மன் கோவில் கும்பாபிஷேகம்

கீழப்பழுவூர்

அரியலூர் மாவட்டம், திருமானூர் ஒன்றியத்துக்கு உட்பட்ட கண்டராதித்தம் ஊராட்சியில் உள்ள செம்பியன் மாதேவியின் ஏரி கரையில் அமைந்துள்ள மீனாட்சி அம்மன், ஸ்ரீ மதுரை வீரன் ஆகிய கோவிலுக்கு மகா கும்பாபிஷேகம் நடைபெற்றது. இதையொட்டி கடந்த 5-ந்் தேதி மாலை விநாயகர் வழிபாடு, குலதெய்வ வழிபாடு ஆகியவை நடைபெற்றன. 6-ந் தேதி கொள்ளிடம் ஆற்றில் இருந்து புனித தீர்த்தம், முளைப்பாரி ஆகியவை எடுத்து வந்தனர். இதனைத் தொடர்ந்து 7-ந் தேதி காலை ஸ்ரீ கணபதி ஹோமம், ஸ்ரீ லட்சுமி ஹோமம் நடத்தப்பட்டது. காலை 2-ம் கால பூஜை, 3-ம் கால பூஜை, 4-ம் கால பூஜை, 5-வது கால பூஜை ஆகியவை நடத்தப்பட்டன. இதையடுத்து நேற்று கோவில் கும்பாபிஷேகம் நடைபெற்றது. இதில் சுற்றுப்பகுதிகளில் இருந்து திரளான பக்தர்கள் கலந்து கொண்டு சாமி தரிசனம் செய்தனர். இதில் கலந்து கொண்ட பக்தர்களுக்கு அன்னதானம் வழங்கப்பட்டது.