நாளை வேலை நிறுத்தத்தில் ஈடுபடப்போவதாக மண்டபம் பகுதி மீனவர்கள் அறிவிப்பு!

ராமேஸ்வரம்,

ராமநாதபுரம் மாவட்டம் மண்டபத்தைச் சேர்ந்த அந்தோணி பிரசாத் என்பவருக்கு சொந்தமான விசைப்படகில் கச்சத்தீவு அருகே மீன்பிடித்துக் கொண்டிருந்தனர்.

அப்போது அங்கு வந்த இலங்கை கடற்படையினர், எல்லை தாண்டி மீன்பிடித்ததாக கூறி 5 மீனவர்களையும் சிறைபிடித்தனர். அவர்களது படகையும் பறிமுதல் செய்தனர். பின்னர் அவர்களை கைது செய்து, இலங்கையின் மயிலட்டி கடற்படை முகாமுக்கு கொண்டு சென்று விசாரணை நடத்தினர்.

இந்த நிலையில், இலங்கை கடற்படையால் கைது செய்யப்பட்டுள்ள 5 மீனவர்களையும், விசைப்படகையும் விடுதலை செய்ய வலியுறுத்தி நாளை ஒரு நாள் வேலை நிறுத்தத்தில் ஈடுபட உள்ளதாக மண்டபம் பகுதி மீனவர்கள் அறிவித்துள்ளனர்.