மதுரை மீனாட்சியம்மன் கோவில் நடை இன்று மூடல்..!

மதுரை,

தமிழ் கடவுள் முருகப்பெருமானின் அறுபடை வீடுகளில் ஒன்றான திருப்பரங்குன்றம் சுப்பிரமணிய சுவாமி திருக்கோயிலில் ஆண்டுதோறும் பங்குனி உற்சவ திருவிழா வெகு விமர்சையாக நடைபெறும். இந்த விழாவின் ஒரு பகுதியாக சொக்கநாதர் – மீனாட்சி அம்மனின் திருக்கல்யாண விழா இன்று (ஏப்.08) நடைபெற உள்ளது.

திருப்பரங்குன்றம் திருக்கல்யாண நிகழ்வையொட்டி மீனாட்சி அம்மன் கோயில் நடை மூடப்பட்டது. மீனாட்சி, சுந்தரேஸ்வரர் பிரியாவிடையுடன் திருப்பரங்குன்றம் கோயிலில் எழுந்தருளுவதையொட்டி நடை மூடப்பட்டது.

காலை 5 மணிக்கு மூடப்பட்ட நடை இரவு 11 மணிவரை அடைக்கப்பட்டிருக்கும் என கோயில் நிர்வாகம் அறிவித்துள்ளது.