கிரானைட் கற்கள் கடத்திய 2 லாரிகள் பறிமுதல்

பர்கூர்:

கிருஷ்ணகிரி கனிம வள பிரிவு சிறப்பு துணை தாசில்தார் விஜயன் மற்றும் அதிகாரிகள் அச்சமங்கலம் அருகில் வாகன சோதனையில் ஈடுபட்டனர். அப்போது அப்பகுதியில் நின்ற 2 லாரிகளை சோதனை செய்தபோது பெரிய கிரானைட் கற்களை கடத்தி சென்றது தெரியவந்தது. இதுகுறித்து விஜயன் கந்திகுப்பம் போலீசில் புகார் கொடுத்தார். அதன்பேரில் போலீசார் ரூ.2 லட்சத்து 20 ஆயிரம் மதிப்புள்ள கிரானைட் கற்கள் மற்றும் 2 டிப்பர் லாரிகளை பறிமுதல் செய்து விசாரணை நடத்தி வருகின்றனர்.