வட்ட அளவில் மாணவர்களுக்கான கபடி போட்டி

திருவண்ணாமலையை அடுத்த சின்னகாங்கேயன் கிராமத்தில் உள்ள அரசு நிதி உதவி பெறும் குப்புசாமி நினைபு பள்ளி வளாகத்தில் பள்ளிக்கல்வித்துறை சார்பில் வட்ட அளவில் மாணவர்களுக்கான கபடி போட்டி நடைபெற்றது.

இந்த போட்டி 14, 17, 19 வயதுக்கு உட்பட்ட மாணவர்களுக்கு தனி, தனியாக நடத்தப்பட்டது.

இதில் அரசு, அரசு நிதி உதவி பெறும், தனியார் பள்ளிகள் என 32 பள்ளிகள் கலந்து கொண்டன. போட்டிகள் அனைத்தும் மிகவும் விறுவிறுப்பாக நடைபெற்றது.

இப்போட்டிகளில் வெற்றி பெற்ற அணி மாவட்ட அளவில் நடைபெறும் போட்டிகளில் பங்கேற்க உள்ளனர்.

இதில் மாவட்ட உற்கல்வி ஆய்வாளர் (பொறுப்பு) செல்வகுமார், உடற்கல்வி இயக்குனர் ரமேஷ் மற்றும் உடற்கல்வி ஆசிரியர்கள் உள்பட பலர் கலந்து கொண்டனர்.