குச்சனூர் பேரூராட்சியில் காசநோய் மருத்துவ முகாம்

குச்சனூர் பேரூராட்சியில் காசநோய் கண்டறியும் சிறப்பு நடமாடும் மருத்துவ முகாம் நடைபெற்றது. இதற்கு பேரூராட்சி தலைவர் ரவிச்சந்திரன் தலைமை தாங்கினார். டாக்டர் லாவண்யா தலைமையில் மருத்துவ குழுவினர் நடமாடும் வாகனத்தில் உள்ள கருவி மூலம் பொதுமக்களுக்கு இலவசமாக எக்ஸ்-ரே எடுத்தனர். இதில் காசநோய் அறிகுறி உள்ளவர்களுக்கு மேல் சிகிச்சை பெற பரிந்துரை செய்யப்பட்டது. முகாமில் சுகாதார பணியாளர்கள் மற்றும் செவிலியர்கள் கலந்து கொண்டனர்.