இளையான்குடி பேரூராட்சி கூட்டம்

இளையான்குடி

இளையான்குடி பேரூராட்சி மன்ற கூட்டம் பேரூராட்சி தலைவர் நஜூமுதீன் தலைமையில் நடைபெற்றது. பேரூராட்சி செயல் அலுவலர் கோபிநாத் முன்னிலை வகித்தார். கூட்டத்தில் வரவு செலவு கணக்குகள் சமர்ப்பிக்கப்பட்டது. மேலும் முதல்-அமைச்சரின் காலை உணவு திட்டம் அரசு பள்ளிகளில் செயல்படுத்துவது, பள்ளி அளவிலான குழுக்கள் அமைப்பது, நகர்ப்புற உள்ளாட்சி அமைப்பு தேர்தலில் மாற்றுத்திறனாளிகள் போட்டியிட 5 சதவீத இட ஒதுக்கீடு வழங்குவது, சாலையோர வியாபாரிகள் நலன், வாழ்வாதாரத்தை பாதுகாத்தல், அடையாள அட்டை வழங்குதல், விற்பனைக்குழு அமைத்தல், பேரூராட்சியில் பணியாற்றும் தூய்மை பணியாளர்களுக்கு 2 செட் சீருடை வழங்குதல், தீபாவளி பண்டிகைக்காக முன்பணம் ரூ.10 ஆயிரம் வழங்குதல், நலத்திட்ட பணிகளின் முன்னேற்றம், புதிய பஸ் நிலையம் அமைக்கும் பணிகள் உள்ளிட்ட பல்வேறு தீர்மானங்கள் நிறைவேற்றப்பட்டன. துணை தலைவர் இப்ராஹிம் நன்றி கூறினார்.