இந்திய அளவில் சிறந்த கல்வி நிறுவனங்கள் பட்டியலில் சென்னை ஐ.ஐ.டி, அண்ணா பல்கலைக்கழகம்

கியூ.எஸ். நிறுவனம்

லண்டனை சேர்ந்த 'கியூ.எஸ்.' என்ற நிறுவனம் ஒவ்வொரு ஆண்டும் உலக அளவில் சிறந்து விளங்கும் கல்வி நிறுவனங்களின் தரவரிசை பட்டியலை வெளியிட்டு வருகிறது. அந்த வகையில் 20-வது பதிப்பாக கியூ.எஸ். உலக பல்கலைக்கழக தரவரிசை பட்டியல்-2024-ஐ அந்த நிறுவனம் நேற்று வெளியிட்டுள்ளது.

உலகம் முழுவதும் ஆப்பிரிக்கா, ஆசியா, ஐரோப்பியா, அமெரிக்கா, ஓசினியா போன்ற மண்டலங்களில் 104 பகுதிகளில் உள்ள 1,500-க்கும் மேற்பட்ட கல்வி நிறுவனங்கள் இதில் பங்கேற்றன.

அண்ணா பல்கலைக்கழகம்

இதில் இந்திய அளவில் சிறந்த கல்வி நிறுவனங்களாக மொத்தம் 45 நிறுவனங்கள் இடம்பெற்று இருக்கின்றன. அதில் மும்பை ஐ.ஐ.டி. முதலிடத்தை பெற்றுள்ளது.

6-வது இடத்தை சென்னை ஐ.ஐ.டி. பெற்றுள்ளது. இந்த வரிசையில் சென்னை கிண்டி அண்ணா பல்கலைக்கழகம் 10-வது இடத்திலும், சென்னை பல்கலைக்கழகம் 12-வது இடத்திலும் இருக்கிறது.