மனைவிக்கு கத்திக்குத்து; கணவர் கைது

ஓசூர்

ஓசூர் ஆவலப்பள்ளி சாலை பாரதியார் நகரை சேர்ந்தவர் கணேஷ் (வயது33). கூலித் தொழிலாளி. இவரது மனைவி மீனா (23). கணேசிற்கு மது குடிக்கும் பழக்கம் இருந்தது. மேலும் மனைவியுடன் அடிக்கடி தகராறு செய்து வந்தார். கடந்த 18-ந் தேதி ஏற்பட்ட தகராறில் மீனாவை கணேஷ் கத்தியால் குத்தினார். இதில் காயம் அடைந்த மீனா ஓசூர் அரசு ஆஸ்பத்திரியில் அனுமதிக்கப்பட்டார். அவர் கொடுத்த புகாரின் பேரில் போலீசார் வழக்குப்பதிவு செய்து கணேசை கைது செய்தனர்.