மாணவ, மாணவிகளுக்கு விலையில்லா சைக்கிள்

காரைக்குடி

காரைக்குடி அருகே உள்ள பீர்க்கலைக்காடு அரசு மாதிரி மேல்நிலைப்பள்ளியில் பள்ளி மாணவ-மாணவிகளுக்கு விலையில்லா சைக்கிள்கள் வழங்கும் விழா நடைபெற்றது. விழாவிற்கு பள்ளி தலைமை ஆசிரியர் ராஜேந்திரன் தலைமை தாங்கினார். காரைக்குடி தொகுதி எம்.எல்.ஏ. மாங்குடி கலந்து கொண்டு மாணவ-மாணவிகளுக்கு விலையில்லா சைக்கிள்களை வழங்கினார். பின்னர் சிவகங்கை நாடாளுமன்ற உறுப்பினர் நிதி மற்றும் சட்ட மன்ற உறுப்பினர் நிதியில் இருந்து பள்ளிக்கு வழங்கப்பட்ட இருக்கைகள், மேஜைகளை மாங்குடி, எம்.எல்.ஏ பார்வையிட்டார். நிகழ்ச்சியில் ஆசிரியர்கள், மாணவ, மாணவிகள் உள்பட பலர் கலந்துகொண்டனர்.