விஷம் குடித்து முதியவர் தற்கொலை

பரங்கிப்பேட்டை அருகே உள்ள கணக்கன்பாளையத்தை சேர்ந்தவர் செல்வராஜ் (வயது 60). இவர் தினசரி குடித்து விட்டு வேலைக்கு செல்லாமல் இருந்து வந்ததாக தெரிகிறது. இந்த நிலையில் சம்பவத்தன்று குடிபோதையில் செல்வராஜ், விஷத்தை குடித்ததாக கூறப்படுகிறது. இதை பார்த்த உறவினர்கள் அவரை மீட்டு சிகிச்சைக்காக சிதம்பரம் ராஜா முத்தையா மருத்துவக்கல்லூரி மருத்துவமனையில் சேர்த்தனர். அங்கு அவருக்கு டாக்டர்கள் சிகிச்சை அளித்தும் பலனின்றி, செல்வராஜ் பரிதாபமாக இறந்தார். இதுகுறித்த புகாரின் பேரில் பரங்கிப்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.