குடிபோதையில் தவறி விழுந்த தொழிலாளி சாவு

பண்ருட்டி,

பண்ருட்டி அடுத்த கீழக்கொல்லை முருகன் கோவில் தெருவை சேர்ந்தவர் ராமலிங்கம்(வயது 65) கூலி தொழிலாளி. நேற்று முன்தினம் இரவு இவர் குடிபோதையில் வீட்டுக்கு வந்துள்ளார். அப்போது அவர் திடீரென நிலை தடுமாறி கீழே விழுந்ததாக கூறப்படுகிறது. இதில் அங்கு கிடந்த கல்லில் அவரது தலை அடி பட்டு பலத்த காயம் அடைந்தார். இதையடுத்து அவரை அக்கம்பக்கத்தினர் மீட்டு சிகிச்சைக்காக கடலூர் அரசு ஆஸ்பத்திரிக்கு கொண்டு சென்றனர். அங்கு டாக்டர்கள் தீவிர சிகிச்சை அளித்தும் பலனின்றி ராமலிங்கம் பரிதாபமாக உயிரிழந்தார். இதுகுறித்த புகாரின்பேரில் முத்தாண்டிக்குப்பம் போலீசார் வழக்குப்பதிவு செய்து விசாரணை நடத்தி வருகின்றனர்.