இன்று முதல் 2 நாட்கள் குடிநீர் வினியோகம் நிறுத்தம்

தஞ்சை மாநகராட்சி ஆணையர் சரவணகுமார் விடுத்துள்ள செய்திக்குறிப்பில் கூறியிருப்பதாவது:-

தஞ்சை மாநகராட்சி பகுதிகளுக்கு திருமானூர் தலைமை நீரேற்று நிலையத்தில் இருந்து குடிநீர் வழங்கப்படுகிறது. அங்கிருந்து குடிநீர் வெண்ணாறு தலைமை நீரேற்று நிலையத்திற்கு குடிநீர் வரும் பிரதான குழாயில் ஒக்கக்குடியில் பழுதடைந்துள்ளது. அதனை சரி செய்யும் பணிகள் நடைபெற்று வருகிறது. இதனால் வார்டு எண் 1 முதல் 51 வரையிலான அனைத்து வார்டுகளிலும் இன்று (வெள்ளிக்கிழமை), நாளை (சனிக்கிழமை) ஆகிய 2 நாட்கள் மட்டும் குடிநீர் வினியோகம் இருக்காது. எனவே பொதுமக்கள் தேவையான அளவு குடிநீரை சேமித்து வைத்துக்கொள்ளவும், குடிநீரை சிக்கனமாக பயன்படுத்தவும் கேட்டுக்கொள்கிறேன்.

இவ்வாறு அதில் கூறப்பட்டுள்ளது.