சப்-இன்ஸ்பெக்டருக்கு கொலை மிரட்டல்: கஞ்சா வியாபாரி கைது

கும்மிடிப்பூண்டி அடுத்த சேகண்யம் கிராமத்தில் கஞ்சா விற்பனை செய்யப்படுவதாக போலீசாருக்கு ரகசிய தகவல் வந்தது. இதனையடுத்து கும்மிடிப்பூண்டி சப்-இன்ஸ்பெக்டர் குமார் சம்பவ இடத்திற்கு விரைந்து சென்றார். அங்கு கஞ்சா விற்பனையில் ஈடுபட்ட அபினேஷ் (வயது 21), என்ற வாலிபரை மடக்கி பிடித்தார். அப்போது அந்த வாலிபர் சப்-இன்ஸ்பெக்டருக்கு கொலை மிரட்டல் விடுத்ததாக கூறப்படுகிறது.

இது குறித்து கும்மிடிப்பூண்டி போலீசார் வழக்கு பதிவு செய்து கஞ்சா வியாபாரி அபினேசை கைது செய்தனர். அவரிடம் இருந்து விற்பனைக்காக பதுக்கி வைக்கப்பட்டிருந்த ½ கிலோ எடை கொண்ட கஞ்சா பொட்டலங்களையும் போலீசார் பறிமுதல் செய்தனர்.